Isa sa mga paborito kong gawin ay ang pagluluto. Bukod sa mahilig akong kumain, lumaki ako sa bahay na mahilig sa pagkain ang mga tao. Naalala ko noong bata pa kami, wala man kaming bagong damit lagi at payak lang ang aming suot subalit sinisigurado ng mga magulang ko na makakakain kami ng masasarap na pagkain at matikman daw namin ang mga ito para di kami tatanghod sa mga mayayaman naming kapitbahay.
Parehong mahilig magluto si nanay at si tatay. Kare-kare ang specialty ni nanay samantalang kaldereta at mechado naman si tatay (pulutan daw hehehe). Idagdag pa ang tita ko na sobrang sarap magluto na kung magluto ng morcon ay parang ordinaryong ulam lang nila sa bahay.
Subalit natuto man ako ng maaga na maghugas ng plato, magwalis, mag-garden, etc. ay di ako tinuruang magluto. Siguro dahil abala sila sa kusina at walang pasensyang magturo sa batang tulad ko.
Lumaki ako ng walang alam kundi magsaing at magprito ng itlog. Hanggang sa naging independent at doon ko narasanan ang hirap ng hindi marunong magluto. Natuto nalang akong magluto ng ako'y mag-asawa na. Nakakahiya naman siguro sa asawa ko na siya marunong magluto samantalang ako ay hindi.
Maraming hits and misses din along the way. Pero ang alam kong parang naging basic ko ay ng bigyan ako ng kaibigan kong editor sa isang food magazine ng isang cook book galing ke mama sitas. basic, ng matutunan ko naging parang base nalang sya then nag experiment na ako ng kung anu ano.
Masarap magluto lalo na kung ikaw ay nasa mood....lalong sumasarap ang pagkain. Pero minsan pag ako'y stressed at talagang napipilitang magluto doon pumapangit ang timpla.
Tinuturing kong art ang pagluluto at hinahambin sa pagpipinta or pagko compose ng kanta. Naipaparating mo ang laman ng iyong puso at kaluluwa sa paggigisa, paghahalo ng mga rekado at pagtimpla ng lasa.
Natutuwa ako pag nagugustuhan ng mga kumakain ang luto ko. Ang usual na mga biktima ay ang mga kasamahan ng asawa ko sa trabaho. Masarap malaman na nagustuhan nila ang aking mga specialties: ang buttered shrimps, kaldereta at ginataang manok. niloloko nga ako at tinatawag na "chef." At nagustuhan din ng family ko ang aking version ng spaghetti. Naalala ko noong buhay pa ang tatay ko, gusto nya ito at ang aking macaroni salad. At galing sa isang taong napakagaling magluto, masarap ito sa pakiramdam.
Subalit ang gusto ko ring matutunan at gawin ay ang pag-bake. Kaso wala pa akong oven (mahal eh...ung gusto ko SM ang mahal mahal). Kung ako'y yumaman, hindi na ako magtatrabaho. Gusto ko na lamang magluto ng magluto at mag-bake ng magbake for my family and loved ones.
Teka, baket ba puro pagkain ang nasa utak ko?
No comments:
Post a Comment